انجازات بشار الاسد حصري وصلتني عبر الايميل
لونك المفضل
الألوان
chatالمواضيع الأخيرة
 السبت 30 مايو 2020 - 6:49
 السبت 30 مايو 2020 - 6:39
 السبت 23 مايو 2020 - 6:18
 الجمعة 22 مايو 2020 - 22:16
 الأحد 17 مايو 2020 - 22:21
 الأحد 17 مايو 2020 - 22:21
 الأحد 17 مايو 2020 - 22:14
 الخميس 14 مايو 2020 - 20:32
bubble_chartالمتواجدون الآن ؟
ككل هناك 19 عُضو متصل حالياً :: 0 عضو مُسجل, 0 عُضو مُختفي و 19 زائر :: 2 عناكب الفهرسة في محركات البحث

لا أحد

مُعاينة اللائحة بأكملها

أكبر عدد للأعضاء المتواجدين في هذا المنتدى في نفس الوقت كان 630 بتاريخ السبت 16 أبريل 2011 - 2:17
new_releasesأفضل 10 أعضاء في هذا المنتدى

منتدى شملت والنيه اربد

اِسأل عن الكورونا عبر الرقم المجاني 111 الاردن

online شملت والنيه اربد

صالح ثلجي

تفاصيل ومعلومات

منتدى شملت والنيه اربد



كلمات دليلية:

 انجازات بشار الاسد حصري وصلتني عبر الايميل Empty انجازات بشار الاسد حصري وصلتني عبر الايميل

avatar
سمير الزعبي
 نُشر في في السبت 21 يناير 2012 - 16:27

إشارة إلى دعوتنا السابقة "الرأي و الرأي الآخر", و عرضنا للإنجازات الأسدية في الإحدى عشرة سنة الماضية كما أرسل إلينا أحدهم, نود التنبيه بداية أننا لم نكن نرغب الدخول في هذا النقاش, أو ان نستعرضه بندا بندا كما جاء في سياق الكلام, بل كنا نفضل أن نعلق عليه بالإجمال, و لكنا ارتأينا الخوض فيه و تأجيل التعليق إلى خاتمة المقال, فمن كتب هذا الكلام, يبقى بشرا يستحق الأخذ و العطاء, و كما قد قلنا فهو حوار!

سنبدأ بمقدمة كتبها صديق, حرصا منّا على التشجيع,

معلومك أن اي نظام مجرم من ضمن مواهبه الاجراميه ان يدهن الهوا بويا, و ان يجعل المقابر رمزا لحضارته, ويقيم المهرجانات لتمجيد قمعه, والناس ترقص فرحا وطربا بمن يقص كل يوم الشريط الحريري لسجن جديد ويحتفظ لشنق سكان السجن بالخيط الحرير, من يحفر قبورا جماعيه ثم يقوم مع كل تلفزيوناته وفضائياته بقياده حمله تشجير واسعه مسرحية - اكثر من خمسمائه شجره تم زرعها برعايه رامي المنحوس - ليخفي تحتها مجازره الشنيعة و مقابره الجماعية...

ما علينا, منرجع للمنجزات الأسدية, و سنغطي في هذا المقال الإنجازات الخارقة على المستوى الإقتصادي و الإجتماعي:

اقتصاديا, يقولون:

■زادت ميزانية سورية من 42 مليار ليرة سنة 2000 الى 640 مليار سنة 2010

ما بعرف منين هل ارقام و ما تأثيرها على واقع الحال, كما أنه من المستحيل التأكد منها الا اذا صدقنا الدنيا و المنار, طبعا مع اعتبار التضخم يمكن رمي نصف هذا الرقم بالبحر وترجيع النص الثاني لاخوك والبقيه خليها بيجبتك الصغيره.

يعني تضاعفت الميزانية شي 8 مرات بس ماحدا شاف شي على الطرقات, وين المشاريع و المصانع و المخترعات وعدم انقطاع الكهرباء...............و المكتشفات؟

يمكن ميزانيتنا كبيرة بس وين على ارض الواقع النتيجة؟

انا على يقين ان اكثر الموجود يذهب الى جيوب الحرس الجمهوري و رامي مخلوف و تشترى به الذمم و العهود من الشبيحة و الجنود الذين يركبون السيارات الفارهة و يعربدون في الطرقات الأمنة



■تم رفع الحد للرواتب من 3800 ليرة الى 11500 خلال نفس الفترة

ما بيكفوا عزيمة عصرونية لموظف بالبلدية, يعني على كلامك تضاعفت 8 مرات الميزانية اما المعاش فتضاعف 3 مرات بينما اسعار المواد و الغلاء فحدث ولا حرج كم مرة نطت و قمزت يا علاء؟

هل هناك انسان عاقل استفاد من زيادة المرتبات ام ان الجميع يقول سقى الله تلك الايام لما كان معاشي 200 ليرة و كنت وفر و ابعت لاهلي, زادت الاسعار يمكن اكثر من 700% حتى ان السوريين صاروا يترحمون على ايام زمان,



بتتذكر لما كان كيلو اللحمة بـ 150 ليرة واصبح بـ 900 ليرة, كيلو الحلويات لما كان بـ 200 ليرة وصاربـ 1450 ليرة, سحارة بندورة كانتبـ 15 ليرة واصبحتبـ 400 ليرة.......اما البيوت!!!!!!!!!!!!!!!!!!! فآآآآآآآخ كنت تشتري البيت بكم الف ليرة صار بدك فوق العشرة مليون ليرة, ثم يأتي أمثالك من الحمقى فيتحدثون عن الزيادة في الميزانية و الحفاظ على الليرة السورية! قال يلي مو من بطنك كل ماجن افرحلوا.



■لم تعد سورية مدينة بأي قرش للخارج

مرة أخرى, شو الدليل و البرهان؟ أم أن هذا كلام الدنيا و المنار؟ لو سألت و بحبشت لغطست بشي فرع و ما حدا سمى عليك, نحنا أغلب ما نستورده السلاح حماية لكرسي الاسد الاله, و الباقي تستورده شركات خاصة لحساب الشركات العامة ثم تبيعه للناس و بيندفع كاش, وبالمناسبة و للعلم سوريا وقعت سلسلة من الاتفاقيات لمعالجة ديونها مع الكثير من الدول الاشتراكية السابقة كرومانيا وبولندا والتشيك ، إلى جانب إعلان موسكو الموافقة على شطب 73 % - 9.8 مليارات دولار - من صافي ديون سوريا لموسكو البالغة 13.4 مليار دولار وذلك لاسباب سياسية تتعلق برغبة روسيا بمعالجة ملف الديون بينهما لتشجيع العلاقات بين البلدين, بالنتيجة لم تختفي الديون بل اعيدت جدولتها وستدفع مستقبلا مع فائدتها, والسؤال ما هي التنازلات التي قدمها النظام و التي لا يعلم بها الا الله؟ ولعلها تفسر بعضا من اسباب الدعم الروسي المعلن المبطن للنظام؟



■بنى علاقات اقتصادية متينة مع عدد من الدول المجاورة مثل تركيا وايران

يعني دولتين, غيرنا عندوا علاقات مع نص الدنيا مو بس تنتين, يعني ست و جاريتين و كل هل بعبعة على قلي بيضتين؟ من الطبيعي ان يبني علاقات, لك مجانين العصفورية عندهم علاقات و مساجين عدرا عاملين شركات!!!! و أما العلاقة مع ايران فالجانب الاقتصادي فيها مهمل مهمش امام ما يجري في الباطن في الحسينيات.



■قام بتطوير مفهوم السوق الاجتماعي كحل وسط بين السوق الاشتراكي المغلق والسوق الراسمالي المفتوح

مفهوم السوق الاجتماعي الوسط - أنا على يقين انوا لا انت و لا انا منعرف هل الكلمة شو بتعني – لكن اعتقد هو اسم مؤدب للفساد الاجتماعي والاقتصادي المكرس, و الذي سببه الاول هو وضع مزيد من الاموال في جيوب المفسدين من الأقرباء,كما أنه اثبت فشله الزريع وباعتراف نظامنا المريع بعد بداية الثورة بوقت قريب, وتمت تنحية وزير الاقتصاد لهذه الاسباب –ويمكن أن تراجع على الانترنت المقالات.

السوق الاجتماعي, ذكي هالرئيس - و أما تأثيرها فالاكيد انو كل شي زاد, الاسعار و الفقر و القهر والقمع و زادت حتى فروع المخابرات بس شغلة وحدة بهل وطن نقصت ونزلت, كرامة و قيمة الانسان.!!



■قلل وإلى حد ما تاثير التحول الاقتصادي والسماح التدريجي باستيراد البضائع الأولى فالأولى

بتشبه يلي قبلها و على فرض صحتها فهادا غصب من عنوا بسبب اتفاقية السوق المشتركة و فتح الاسواق, و على كل حال اكبر مستفيد جماعتوا يلي بايديهن كل الماركات و ماسكين اقتصاد البلد و عم يلعبوا بالاسعار, و النسبة الكبيرة رايحة لجيبة المختار, أقصد بشار.



■ أصبح في سورية وللمرة الاولى مصانع للسيارات وحديد التسليح العالي

قصدك مصانع لايران على ارض سوريا؟ لك تضرب شو فهمان, دفعنا سعر مصنع سيارة منتهي الصلاحية حتى يتم سرقة اموال الشعب, اين تصنيف ايران في تصنيع السيارات على مستوى العالم؟ مع العلم ان مصر فيها مصانع مرسيدس وغيرها من الماركات - لماذا لم يتم انشاء مصنع لهونداي او كيا على سبيل المثال والمنتشرة بكثرة في الطرقات؟ اضافة الى ان ماتسميه مصنع لا يعدوا ان يكون ورشة تجميع مو اكتر.

و اما حديد التسليح فجربت شي مرة تشتري شمنتوا او حديد من دون ما تطلع روحك و تندبح بالرشاوي و البخاشيش؟سألت المقاولين أم اكتفيت بأخبار جريدة تشرين؟ قلتلي مصنع حديد تسليح عالي و الى الان نستورد حتى الأواني.

شوف حبيب, ليس هناك اي فرن صهر حديد او تنك في كل سوريا, و كل ما يحصل في المنطقه الصناعيه في حسيا هو ان الحديد يأتي بمقاييس مختلفه . يصهر ويدرج في مقاييس و اقطار اخرى. قال صناعه حديد قال ...



■ الاستمرار في دعم المواد الغذائية الاساسية ووقود التدفئة

كل دول العالم الثالث تدعم الاساسيات حتى الفقيرة كالصومال, بس شكرا لهل المعلومة, يمكن مشان هيك نط سعر المازوت من 7 ليرات لخمسة و عشرين ليرة و حاليا انفقد, و نطت قنينة الغاز مع انها تقيلة متلك ومتل هل مقال و انقطعت بالبلد الكهرباء, عندك فكرة شو الاسباب؟

انا بقلك: الضغط على هل شعب الكحيان مشان يخرس و يتذكر الاحسان و يقول كنا عايشين و ماشي الحال بلا كرامة بلا حرية بلا مظاهرات, عنّا هل المقال و الله ياخد قصدي يخلي – نيتي بها الإِخلاء لا الحفاظ و كلٌ على نيته يُسأل يومَ الحساب - من البلد هالرئيس و هالنظام؟



■ حافظ على سعر صرف الليرة السورية ثابتا بالرغم من كل محاولات تدميرها بعد سنة 2003

أنا بتذكر لما كان الدولار بليرة ونص و بعهد حافظ الاسد صار الدولار بخمسين ليرة وطف, و بعهد الابن بين السبع و اربعين و الستين ليرة و اليوم سمعت و صل السبعين و نقطة, مع انوا على كلامك الميزانية نطت 8 مرات شكلها الليرة ما حست بهل نطة, اما محاولات تدميرها فسببه الفساد الذي بدا بالأب و العم يلي بفرنسا المنفاخ مرورا بالابن و أخوه يلي عم يطبعوا الاموال من دون رصيد ليدفعوا للشبيحة المجرمين.



■حل الشركات المفلسة في القطاع العام دون ان يؤثر على الشركات الحساسة

قصدك حل الشركات التى تنافس حمشو و مخلوف حتى يتفرد بالسوق المحلية من طرطوس لجديدة عرطوز, و على كل حال اتحداك اذا مو أغلب شركات الدولة خسرانة و كحيانة وكلها مفلسة و جربانة



الجانب الإجتماعي,

قالوا اجتماعيا ...

■أغلق بعض السجون ذات الذكريات السيئة مثل سجن المزة

لمجرد الدعاية و الاعلام وتلميع صورته امام الناس ... سجن قديم ومهرتك و بيمروا عليه من طريق القصر المعبد ...

بعدين بيني و بينك معك حق يا أخي, المعتقلين فيه بيستحوا اذا حدا سألهم وين كنتوا, يقولوا بالمزة بينما اخوانهم يرتعون في تدمر و صيدنايا و ابو الشامات اذا بتسمع في! 7 طوابق تحت الارض مشان تكيف عل اخير,

بعدين شو مشان اساليب التعذيب والتنكيل؟ اغلقوها مع السجن؟

بس على قولك, الحمدلله إنو سكروا هالسجون سيئة السمعة, و هاالسجناء بعتوهم لسجون اخرى و دخلوها وراسون مرفوع, ما بتصير لمين ما كان!

و اخيرا و ليس اخرا ما فائدة أن تغلق سجنا وتقتل المساجين في أخر– صيدنايا و تدمر؟



■أطلق العديد من السجناء السياسين مثل رياض سيف ومامون البني وغيرهم

أليس من الحقارة و النذالة اعتقال ناشط سياسي من وزن هؤلاء؟ ثم انه اطلق سراحهم لانهم شخصيات معروفة دولياً ثم اخرجهم خارج البلد وشن عليهم حرب اعلامية و وصفهم لإسرائيل بالعملاء بينما ابقى الالاف من المعتقلين السياسين في السجون؟ و يلي اطلقهم بالله ماسمعت انوا رجع اعتقلهم و معهم شي 100 الف متلن؟ و لمّا ماكفت السجون بثكنات الجيش دحشهن؟



■شجع مع زوجته انشاء شبكات التكافل الاجتماعي وجمعيات رعاية الاطفال ودور رعاية المسنين مثل دار الحنان

صورة دعائية و مسرحية وهمية, كباقي زوجات الرؤساء العرب لأنوا سوزان مبارك مو أحسن من أسماء الأسد البعيد ليتم سرقة اموال الشعب من خلالها منيح, ثم سؤال مطروح لماذا تتدخل زوجته بشؤون الدولة وبأي منصب ام ان سوريا مزرعة لابوه و امه و ابن خاله و اخوه؟ و بعدين شو بيساوي التشجيع اذا ما دفع مصاري؟ لك عمي روح العب بعيد واسال من ينفق على هل جمعيات؟ لك يضرب هو و تشجيعه الفاضي هي انا صرلي 10 شهور عم شجع الثورة ما طلع معي شي اما لما بتندفع المصاري فوقتها بيصير للتشجيع وزن تاني!!!



■شجع رجال الأعمال على انشاء جمعيات المساعدة الصحية مثل جمعية الشهبندر لتجار غرفة دمشق وجمعية البستان لتجار اللاذقية وجمعية الاحسان في حلب

باب جديد للسرقة و انت الصادق هدول هم حاليا يلي عم يمولوا ويدفعوا رواتب الشبيحة يعني مو مشان عيونك ياصبيحة



■قام بانشاء شبكة الامان للاسرة وبالتعاون مع البرنامج الإنمائي في الامم المتحدة

تقصد شبكة النصب و الاحتيال, غيره عمل ماية يرنامج و كلها فعال دخلك شو استفادت اسرتك من هل البرنامج؟ شحك ساطلها و ماشي و انت نايم؟



■قام بتفعيل مشروع التنمية المستدامة للأرياف النائية وبهدف التوعية الاسرية للسكان البعيدين عبر سيارات نشاط اجتماعي دوارة

خليني عيد كلامك, تنمية مستدامة للأرياف النائية و توعية أسرية عبر سيارات نشاط إجتماعي دوارة ... ذكرني هالكلام بالمعسكرات الجامعيه الانتاجية, اما شو كانت انتاجيه, مو طبيعي ...

لك اذا المدن ما فيها تنمية فكيف أنت بالارياف النائية؟ هذا كله كذب وافتراء و تلميع لصورته المهترئة أمام الناس, لذا ليس من الغريب انوا كل الفلاحين قايمين عليه, و الضيع كلها عم تدعي عليه, بتتصور لانهم اكلين نكارين و انوا الحق مو عليه؟!

النشاط اللاجتماعي الدوار هو خطابات ومسرحيات هزليه عن عظمه والوهيه القائد الملهم بشار, ودائما تختتم : بـ حاجه تجيبوا ولاد

خليهم يدوروا على سكان الجزيره الذين اجتاحتهم كل مصائب الدنيا من جفاف مائي (و الفرات و دجلة في عقر دارهم) وجفاف عقلي من قبل المسؤولين وتخريب جحاشي من قبل المنظرين والرفاق البعثيين, خليهم قبل ما يدوروا عليهم بلميكرويات الاجتماعيه الدوارة ويشرحوا لهم ان الاكل باليدين قله ادب وان عليهم ان يستعملوا الشوكه والسكين ويمسححوا شواربهم بالكلينكس, أن يظهروا لهم الحقيقة الغائبة و هي: وين الاكل؟

كل قرى حلب والرقه ليس فيها مدارس تكفي لتعليم عنزه كيف تمعيي.

والمسخره شو؟ حدّثنا المناهج, احسن من اميركا . فرضنا لغتين اجنبيتين . الفصاعين عنا بكره بيصيروا بيحكوا لغتين اجنبيات كالبلابل. الشئ الوحيد هو ان هؤلاء الفصاعين ما زالت اعدادهم اكثر من 60 بالصف الواحد و بيعدوا 4 بالمقعد و الانسة من اول الدرس بتقلن حطوا راسكم و ناموا لانها جانة و بدها تلحق تفرم الكوسا مشان الطبخة, وخود على هل شعب!



■أنشئ مشاريع الاسكان الطموحة جدا مثل السكن الشبابي وشجع شركات الاعمار الخاصة لحل مشكلة السكن المزمنة

ما شاء الله على مشاريعه العظيمة, يعني تم حل مشكلة الاسكان لخمسين سنة لقدام, حتى ان دمشق اصبحت سابع اغلى مدينة في العالم بسعر العقار و على الفاضي, علماً بأنه لايوجد فيها أية بنية تحتية, وليس دمشق فقط بل كل الدولة السورية العربية لا كهرباء ولا انترنت ولاصحة ولا تعليم ولا صرافات أليه منتشرة و لامتروباص ماعدا التلوث البيئي ولاشوراع ولاجسور لاانفاق ولا ...الخ, بعدين مين اصلا رفع الاسعار ابوي و ابوك؟ لك دخيلك على هيك مشروع

قال عيش ياغديش لينبت الحشيش, و مين اصلا سبب الازمة و خلق هالمحنة؟ ابي اشترى بيتنا و هو موظف عادي, مين هلئ بيشتري بيت الا اذا كان مصاحب رامي البيك؟



■تابع بناء المشاريع العمرانية الكبرى كالمدينة السابعة والجسور والانفاق والطرق الحيوية كدوار العباسيين والامويين وكفرسوسة

العمى على هل دولة العظيمة يلي بتحكي بساحة و جسر و نفق و موقف باص ان كترت بتاخد لتخلص مع غيره شهور و ايام,

شو مشان الجور بالطرقات؟

شو مشان قطع المي و الكهرباء و االاساسيات؟

شو مشان كيلو اللحمة يلي صار حلم الفقراء؟ شو مشان فروع المخابرات يلي معشعشة بين البيوت متل شبكات العنكبوت؟

شو مشان السرقات و النهب و الرشاوى بلا رقابة و لا حساب؟

أما المدينة السابعة فعندك علم كم سعر البيت فيها و لمين معمولة و اي طبقة تستهدف و هل لامثالك فيها موقف ؟ اليس اغلب المشاريع عم ترسى على ابن الخال رامي و باقي الشركات عايشين بالاحلام على الاماني؟



■طور قانون السير بما قلص عدد الوفيات من 3900 وفاة و22000 اصابة منها 8000 اعاقة الى 1100 وفاة 6550 اصابة منها 2000 اعاقة عام 2010

طـبـعـا طبعا, لانوا قبل ما يصير طبيب عيون و رئيس جمهورية و فريق و قائد للجيش و الحزب كان شرطي مرور مما اكسبه خبرة في التعامل مع المخالفات و تقليص عدد الوفيات, مهيك؟

اما وعي الشعب فمالو دور لان الشعب كله عبيد عند هل تور؟ مو افتراء وطول لسان, بس مصطفى طلاس بمذكراته اول طبعة فقط ذكر انن بالكلية العسكرية كانوا اذا بدن ينتقموا من حدا يمسكوا و يجيبوا حافظ الاسد لينطحوا, و كانوا مسمينوا بالدورة التور من كتر راسه مو يابس و طبعا ابنوا متلوا, مو ابنوا؟ بعدين سحبوها من الطبعات اللاحقة يمكن لقوها مو حلوة بحق التور, أقصد حافظ!!

يـتـبـع ...

اعلانات نصية